Бишкек шаарынын жер пайдаланууну көзөмөлдөө башкармалыгы «Тазалык» ишканасы менен биргеликте Октябрь районундагы көрнөк-жарнактарды демонтаждоо иштерин баштады. Бул тууралуу муниципалитеттин басма сөз кызматы билдирди.
«Эски металл конструкциялардын ордуна эми заманбап LED экрандары коюлуп, шаардын көрүнүшүн жаңыча жана жагымдуу кылат», — деп белгиледи мэрия.
Учурда тургундарга ыңгайсыздыктарды азайтуу үчүн курулуштарды демонтаждоо иштери ыкчам жүрүп жатат.
Жарнамалык структураларды жаңылоо бул — Бишкекти заманбап жана ыңгайлуу борборго айландыруунун дагы бир кадам болуп саналат.
Бишкек мэриясы
Эске салсак, буга чейин президент Садыр Жапаров Бишкек мэриясына шаардагы эски көрнөк-жарнактарды 31-августка чейин толугу менен алмаштырууну тапшырган.
