16:03
USD 89.43
EUR 97.22
RUB 0.97

Тажикстанда алгачкы жолу сиам эгиздерин ажыратуу боюнча операция жасалды

Тажикстанда өлкө тарыхында алгачкы жолу сиам эгиздерин ажыратуу боюнча операция жасалды. Бул тууралуу «Озоди» радиосу кабарлады.

Эгиздер эки жума мурда Хатлон облусундагы Восей районунда жарык дүйнөгө келишкен. Душанбедеги улуттук медициналык борбордо жасалган операция эки саатка созулуп, жыйынтыгында эгиздердин бири чарчап калды. Дарыгерлер ал башы менен бир тууганынын далысына жабышып төрөлгөнүн, анын жашап кетүүгө такыр мүмкүнчүлүгү болбогонун айтышты.

Аман калган экинчи кызга Саёхат деген ысым берилди. Учурда анын абалы жакшы.

Сиам эгиздери — жатында толук бөлүнбөй калган жана дене бөлүктөрү же ички органдары бир болуп төрөлгөн эгиздер.

Эң көп окулган жаңылыктар
23-февраль, жума
22-февраль, бейшемби