Тажикстан менен Түркменстан президенти Борбордук Азия өлкөлөрүнүн достугу боюнча келишимге кол коюшкан жок.
Эки өлкө келишимге кийинчээрек кошулмакчы.
Белгилей кетсек, келишим боюнча Борбордук Азия өлкөлөрү ич ара маселелерди сүйлөшүү жолу менен чечишет. Кошуналар бири-бирине каршы курал колдонуудан баш тартышат.
Келишимдин мөөнөтү жок. Катышуучу мамлекет каалаган учурда кат жолдоо менен чыга алат.
Ысык-Көл облусунун Чолпон-Ата шаарында Борбор Азия мамлекет башчыларынын төртүнчү кеңешмеси өттү. Эмки жыйын Душанбеде болот.
