Ысык-Көл облусунунда жер титиреди. Бул тууралуу Өзгөчө кырдаалдар министрлиги билдирди.
Зилзала 17-декабрда саат 21:02де Ысык-Көл облусунун аймагында катталып, очогунда күчү 3,5 баллга жеткен.
Жер титирөө Жети-Өгүз районунун Светлая Поляна, Подгорное, Чоң-Кызыл-Суу айылдарында 3 балл, Жети-Өгүз, Тилекмат, Ак-Дөбө, Мундуз, Жалгыз-Өрүк, Кызыл-Суу айылдарында 2,5 баллга чейин сезилген.
Алдын ала маалыматка караганда, жер титирөөдөн жабыркагандар жана кыйроолор катталган жок.
