Россияда жогорку окуу жайларда сабактар башталып, кыргызстандык студенттер ага бара албай жатышат. Бул тууралуу Жогорку Кеңештин бүгүнкү жыйынында депутат Сайдулла Нышанов билдирди.
Эл өкүлү өкмөттөн студенттерди окуу жайларына жеткирүүгө жардам берүүнү суранды.
«Россияда биздин студенттер окушат.Аларды өкмөт өлкөгө алып келишкен. Эми кайра кете албай жатышат. Жогорку окуу жайларда окуу башталды. Ушул маселени чечип берсеңиздер», — дейт Сайдулла Нышанов.
