08:54
USD 77.05
EUR 91.17
RUB 1.05

Пакистандык студент кыргыз дарыгерлерине акысыз жардам берүүгө даяр

Эл аралык жогорку медициналык мектебинин бешинчи курсунун студенти Аббас Али Шах Бишкекке билим алуу үчүн Пакистандан келген. Ал коронавируска каршы күрөшүүдө биздин дарыгерлерге өз ыктыяры менен акысыз жардам берүүгө даяр. Бул тууралуу ал 24.kg агенттигине өзү билдирди.

 

Аббас Али Шах иштөөгө уруксат берүүнү өтүнүп өкмөткө кайрылган.

«Мен Кыргызстанда дарыгерлер аз экендигин билем. Анын үстүнө, коронавирус жагдайы көзөмөлдөн чыгып бара жатат. Эгер өкмөт дарыгерлер менен иштөөгө мүмкүнчүлүк берсе, мен акысыз иштөөгө даярмын. Кыргызстан — менин экинчи мекеним. Ушул оор кырдаалда адамдарга жардам бергим келет. Эгер бийлик мага уруксат берсе, мен аларга абдан ыраазы болом», — дейт ал.