20:44
USD 77.05
EUR 91.17
RUB 1.05

Медициналык кызматкер июнь айынын айлыгы 3 миң 337 сом чыкканын жазып чыкты

Медициналык кызматкер июнь айынын айлыгы 3 миң 337 сом чыккандыгы тууралуу жазып чыкты. Бул тууралуу ал Facebook баракчасы аркылуу билдирген.

Маалым болгондой, мед кызматкер айлык маянасынын чегин сүрөткө тартып жүктөп, саламаттыкты сактоо тармагындагы абал тууралуу баяндаган. Ошоной эле дарыгерлердин айлык маянасы мурдакыдан дагы кыскартылган.

«Июнь айындагы айлыгымды алдым. Чындыгында дарыгерлерге «кошумча төлөм» кошулду деген маалымат бардык эле дарыгерлерге таандык эмес. Кошумча төлөм коронавируска каршы күрөшүүгө салым кошкон дарыгерлер жана илдетти жуктуруп алгандарга гана берилди. Ал эми өзгөчө абал учурунда коопсуздук кызматынын кызматкерлери үч эселеп айлык алышкан. Калган 90 пайыз дарыгерлер өздөрүнүн аз акчаларын гана алдык. Ал аз келгенсип ошол айлыгыбыздан дагы кыскартылды», — деп жазат дарыгер.