Бишкек ЖЭБге Д, ДГ, Г үлгүсүндөгү көмүрлөрдү алып келүүчү тендердин жеңүүчүсү аныкталды. Бул тууралуу 24.kg агенттигине «Электрдик станциялар» ААКдан билдиришти.
Маалыматка ылайык, ЖЭБге күзгү-кышкы жылуулук маалында «КонтактУглеПром» жоопкерчилиги чектелген өнөктөштүк көмүр ташымакчы. Компания 1 миллиард 27,2 миллион сомго 400 миң тонна көмүр алып келип берүүгө даяр.
«Көмүрдү ташып келүү графиги 2020-жылдын мартына чейин эсептелген. Биринчи партия сентябрда келет», -деп айтылат маалыматта.
Мындан тышкары ушул жумада ДСШ үлгүсүндөгү көмүрдү алып келүүгө кайта тендер жарыяланат.