10:34
USD 69.74
EUR 79.24
RUB 1.05

Аскердик лицейден качып кетти делген тарбиялануучулар кайтып келишти

Бишкектеги Даир Асанов атындагы аскердик лицейден качып кетти делген тарбиялануучулар кайтып келишти. Бул тууралуу 24.kg агенттигине Башкы штабдан билдиришти.

Маалыматка караганда, лицеисттер өз алдынча Түштүк магистралга чейин узакка чуркоо тапшырмасын аткарып жүрүшкөн. Учурда алардын баары сабакта.

24.kg агенттигине жеке булак билдиргендей, качып кеткен 56 тарбиялануучу лицейге эртең менен келишкен.

«Тарбиялануучулар 5-сентябрда болжол менен саат 3:00дө качып кетишкен. Эртең менен кайтып келишти. Алдын ала алынган маалыматка ылайык, алар курстун башчысын жана дагы бир офицерди кызматтан кетишин талап кылышууда. Буга физикалык даярдыкка карата катаал талаптар себеп болгон. Окуя болгон жерде Аскер прокуратурасы, Коргоо иштери боюнча мамлекеттик комитеттин өкүлдөрү иш алып барууда. Ата-энелер качып кеткен балдарын окуудан чыгарбоону суранышууда», -деп айтылат маалыматта.

Эң көп окулган жаңылыктар