Ак-Талаа районунда 8,5 чакырым ички жолдоруна асфальт төшөлөт. Бул тууралуу президент Сооронбай Жээнбековдун Нарын облусуна болгон эки күндүк иш сапарынын алкагында маалым болду.
Президент Ак-Талаа районундагы жолдордун реконструкциясы жана мектептин курулушунун жүрүшү менен таанышты. Жалпысынан Ак-Талаа районунда 8,5 чакырым ички жолдоруна асфальт төшөлөт. Жумуштарды 2019-жылдын сентябрь айынын аягына чейин бүтүрүү пландалууда.
Андан соң мамлекет башчысы Баетов айылындагы орто мектептин курулушу менен таанышты. Жалпы билим берүүчү мекеме эки кабаттан турат жана 275 окуучуга ылайыкталган. Бүгүнкү күндө курулуш-монтаж иштери 70 пайызга бүткөрүлдү.