«Мамлекеттик камсыздандыруу уюму» ААКсы тарабынан учурда дээрлик 86 миң үй камсыздандырылды. Бул тууралуу аталган мекеменин төрайымы Жумагүл Эгамбердиева өкмөт башчыга билдирди.
«Турак жайларды жаратылыш кырсыктарынан жана өрттөн камсыздандырууда, калктын 80 пайызында зарыл болгон документтердин жоктугу негизги көйгөй болуп саналат. Буга байланыштуу калкка техникалык паспортторду төмөндөтүлгөн баада же акысыз негизде берүү кампаниясын жүргүзүү зарыл», — деди ал.
Маалыматка караганда, «Мамлекеттик камсыздандыруу уюму» ААКсы эки жылдын ичинде калкка жалпы суммасы 17 млн сомдон ашуун камсыздандыруу төлөмдөрүн жүргүзгөн.
