Ош облусунун Өзгөн районуна караштуу Красный Маяк алынын мечитинен мурдагы имам бычакталды. Бул тууралуу аймактык ички иштер башкармалыгы билдирди.
Учурда милиция мурдагы имамдын бычакталышына байланыштуу иликтөө иштерин жүргүзүп жатат.
Маалыматка ылайык, намазга келген 40 жана 64 жаштагы эки киши мушташа кетип, 64 жаштагы жаран экинчи адамга бычак урган.
Чатак "зекетке чогулган каражатты жеп койдуң", - деген айыптоолордон улам келип чыккан. Ош облустук казыятынын маалыматына караганда, чатакташкандардын бири мурда абакка отуруп чыккан. Учурда жабырлануучу облустук ооруканада дарыланууда.
