«Бишкек жылуулук электр борборунда» башкы диспечердик пульту кытай жарандары башкарат. Бул боюнча Жогорку Кеңештин Отун-энергетикалык комитетинин көчмө жыйыны учурунда белгилүү болду.
ЖЭБтин модернизацияланган бөлүгүн кытайлык кызматкерлер иштетишет.
«Борбор — стратегиялык жай болуп эсептелгендиктен, анда кытай жарандарынын иштеги канчалык мыйзамдуу? Шаардыктардын жылуулуксуз калышы бул атайын диверсия болуп жүрбөсүн?» — деп депутат Элвира Сурабалдиева суроо узатты.
Жыйында УКМКнын өкүлү бул жагдай текшерилерин билдирди.
Эскерте кетсек, ЖЭБ быйыл жайында Кытайдан алган 380 миллион доллар насыяга жаңыланган. 26-январда борбордо кырсык болуп, Бишкек толугу менен жылуулуксуз калды.
