Жогорку Кеңеш депутаттары ызгаарга байланыштуу окуучуларды эс алууга таркатууну сунуштайт. Бул тууралуу парламенттин бүгүнкү жыйынында айтылды.
Депутат Махабат Мавлянова мектептерде 4-5 күнгө эс алуу жарыялоону сунуштады. Андан тышкары, кышында мектептерге атайын автобустарды ишке киргизүү зарылдыгы айтылды.
Кыргызстанда жакынкы күндөрү −40 градуска чейин суутат.
Жыйынга билим берүү министри чакырылып, анын маалыматынан кийин чечим кабыл алмай болушту.
