Бишкек шаарында Жол коопсуздугу башкармалыгынын инспекторун сүзүп кеткен «Лексуса ЛX-470» автоуунасынын айдоочусу кармалып, убактылуу кармоочу жайга киргизилди. Бул тууралуу маалымат кызматы билдирет.
17-декабрь күнү Масалиев көчөсүндө инспектордун токтоо буйругуна баш ишбей, айдоочу кайра милиция кызматкерин сүзүп кеткен.
Башкармалыктын билдирүүсүндө, инспектор Бишкек шаардык жаракат жана ортопедия илимий изилдөө борборуна жаткарылды. «Лексуса ЛX-470» унаасынын айдоочусу 1998-жылы туулган ордо кааланын тургуну.
