Жогорку Кеңештин депутаты Канатбек Исаев менен чогуу кармалган Дениз Раимкуловдун баш коргоо чарасын сот өзгөрүүсүз калтырды. Бул тууралуу «24.kg» агенттигине анын жактоочусу Бактыбек Жумашов билдирди.
Жактоочунун айтымында, Сокулук районунун Гаврилов айылынын мурдакы жетекчиси Дениз Раимкуловдун айыбы жок. Аны соттон күрөөгө үй камагына бошотууну суранышкан.
Эскерте кетсек, Канатбек Исаев 30-октябрда камоого алынган. Ага бийликти күч менен басып алуу айыбы тагылган. Исаев менен бирге Дениз Раимкулов, Салык кызматынын райондук башкармалыгынын жетекчисинин орун басары Рамис Жунусалиев, жарандык активист Мелис Аспеков жана Майрамбек Маткулов кармалган.
