07:57
USD 89.47
EUR 96.56
RUB 0.97

Өзбекстан туристтик визанын мөөнөтүн узартты. Эми бир ай өлкөнү кыдырууга болот

Өзбекстан бир айга берилүүчү, баасы 40 долларга чейин турган туристтик визаны киргизди.

Жергиликтүү медиа кабарлагандай, туристтик виза берүү тартиптерин өзгөртүү президент Шавкат Мирзиёевдин 4-декабрдагы жаңы токтомунун негизинде кабыл алынды.

Чет өлкөлүк жарандарга виза 30 күнгө берилет. Буга чейин бул мөөнөт 7 күндөн 15 күнгө чейин гана болуп, узартууга туура келген учурларда көйгөйлөр жаралып келген.

Туристтик визанын наркы 60 доллардан 40 долларга чейин төмөндөтүлдү. Туризмди өнүктүрүү боюнча мамлекеттик комитеттен билдиришкендей, жогорку тариф Өзбекстанга саякаттоо чечимин кабыл алууда терс фактор болуп келген.

Мындан тышкары 5 кишиден жогору болгон учурда визаны тобу менен алса болот. Бул визалардын наркы ар бир турист үчүн 15 күндүкү 15 долларды түзсө, 30 күндүкү 25 долларга бааланды.

Эң көп окулган жаңылыктар