Сүлүктүдө шахтада бир киши көмүрдүн астында калды. Бул тууралуу өкмөттүн Баткен облусундагы ыйгарымдуу өкүлүнүн маалымат кызматы кабарлады.
12-август күнү «Ак-Жол» ишканасына тиешелүү кенде кырсык болуп, 1980-жылы туулган Сапарбек Салямовду жер басып калган.
ӨКМдин куткаруучулары төрт саат кийин шахтердун денесин казып алышкан.
2017-жылдын башынан бери Сүлүктүдөгү шахтада 9 адам набыт болгон.
