«Канатбек Исаев талапкер катары атаандаштарына кызыктуу эмес», — деди «Кыргызстан» саясый партиясынын мүчөсү Канатбек Тургунбеков бүгүнкү маалымат жыйында.
Канатбек Тургунбеков журналисттер менен анын партиядан чыгарылышына байланыштуу жолукту. Анын айтымында, саясый уюмдан ал мыйзамсыз чыгарылган.
«Жеке Канатбек Исаевдин калоосу менен эле мени партиядан чыгарышты. Мен аны кеч билдим. Менин ар -намысыма шек келтирилди. Андыктан мен саясый кеңештин жана партиянын Исаев президентикке көрсөтүлгөн курултайы мыйзамсыз экендигин далилдейм», — деди Канатбек Тургунбеков.
Ал 2015-жылкы парламентке шайлоодо «Кыргызстан» партиясынын штабын жетектеген.
