Караколдогу мушташтан кийин спорттук мектептин директору Алим Мадылбеков жумуштан айдалды. Бул тууралуу «24.kg» агентигине облустук администрациядан билдиришти.
Алар мушташка облустук олимпиалык резерв мектебинин тарбиялануучулары катышканын ырасташты. «Мушташты Максат Касенов, Эрнис Түлөберди уулу жана Аспек Өмүрбеков баштаган. Ал үчөө өз ара мамилесин такташкан. Түшүндүрүү иштери жүргүзүлдү, чатак басылды», — дейт.
Айрым маалыматтар боюнча, «Уулу Кыргызстан» партиясынын мүчөсү, шаардык кеңешке ат салышкан талапкер Максат Касенов жана дагы бирөө кармалды.
