Бүгүн, 31-мартта Президент Садыр Жапаров менен Тажикстандын президенти Эмомали Рахмон Худжанд шаарында Ратификациялык грамоталар менен алмашуу жөнүндө протоколго кол коюшту. Мамлекет башчылары бул келишим эки өлкөнүн ортосундагы ар тараптуу өз ара аракеттенүүнүн бекем пайдубалы болуп, келечек муундарга саясий жетилгендиктин, боордоштуктун жана тарыхый жоопкерчиликтин үлгүсү болооруна ишенимин билдиришти.
Ратификациялык грамоталар эки өлкөнүн ортосундагы Мамлекеттик чек ара жөнүндө келишимди юридикалык жактан бекемдейт жана чек араны толук демаркациялоо, чек ара инфратүзүмүн модернизациялоо жана чек арага чектеш райондордо ынак коңшулаштыкты чыңдоо үчүн зарыл шарттарды түзөт.
Фото Президенттин басма сөз кызматы
