Мамлекеттик колдоо менен ишке ашырылган лизингдик долбоорлор аркылуу айылдык товар өндүрүүчүлөргө 18,38 млрд сомдук 7073 техника берилген. Анын ичинде 2025-жылы 886,1 млн сомдук 188 даана техника да кирген. Бул тууралуу Суу чарба, айыл чарба жана кайра иштетүү өнөр жай министрлигинин басма сөз кызматы билдирди.
Маалыматка ылайык, айыл чарба техникаларынын жана кайра иштетүү тармагына керектүү жабдуулардын бардык түрлөрү айылдык товар өндүрүүчүлөргө банктар аркылуу жеңилдетилген шартта, жылдык 6 пайыз менен жети жылдык лизинг менен сатылат.
