Бүгүн, 6-июнда Кыргызстан — Малайзия футбол боюнча улуттук курама командаларынын беттешин иорданиялык калыс башкарат. Бул тууралуу Кыргыз футбол биримдигинен кабарлады.
Маалыматка ылайык, 2026-Дүйнө Чемпионаты жана 2027-Азия Кубогу алкагында өтө турган бүгүнкү Кыргызстан — Малайзия улуттук курамалардын беттешинин калыстар тобун иорданиялык калыс Адхам Мухаммад башкарат.
Башкы калыска каптал сызыктарда анын мекендештери Мухаммад Мустафа жана Ахмад Муанесс жардам беришет. Реда Али (Ливан) оюндун резервдик калысы болот.
Оюн Бишкектеги Дөлөн Өмүрзаков атындагы стадиондо саат 21:00дө башталат.
