2024-жылы «Кыргызкөмүр» Кытайга көмүр экспорттой баштайт. Бул тууралуу экинчи Элдик курултайда министрлер кабинетинин төрагасы Акылбек Жапаров билдирди.
Көмүр төрт кенден — Ак-Улак, Үрмезан, Кара-Кече жана Беш-Буркан кендеринен жеткирилет.
2025-жылга чейин Нарын облусунда көмүрдү байытуу заводу курулат.
министрлер кабинетинин төрагасы Акылбек Жапаров
Министрлер кабинетинин башчысы белгилегендей, 2024-жылы 30 миң тонна битум өдүрүлүп, 450 чакырым жол асфальтталат.
«Түндүк-түштүк автожолундагы Көк-Арт туннели аяктап, жол ачылат», — деди ал.
Мындан тышкары, Балыкчы — Кочкор темир жолунун дагы 20 чакырымы бүтүрүлүп, 2026-жылы пайдаланууга берилери күтүлүүдө.
Ошондой эле Кытай — Кыргызстан — Өзбекстан темир жол долбоорунун техникалык-экономикалык негиздемеси аяктады.
