Жамбыл облусунда мыйзамсыз миграция каналын уюштурган үч адам кармалды. Бул тууралуу аталган аймактын прокуратурасынын басма сөз кызматы билдирди.
Маалыматка караганда, кыргыз жана казак жарандары түштүк азиялык 20 адамды Казакстанга мамлекеттик чек арадагы өткөрмө пункттарын айланып киргизишкен.
Басма сөз кызматы акыркы жарым жылда Кыргызстан аркылуу Түштүк Азия (Пакистан, Непал жана Шри-Ланка) жарандарынын мамлекеттик чек арадан мыйзамсыз өткөн учурлары көбөйгөнүн кошумчалады.
Учурда кылмыш иши козголуп, тергөө жүрүп жатат.
