2024-жылдын жумуш эмес күндөрү аныкталды.
Эмгек, социалдык камсыздоо жана миграция министрлигинин буйругу менен 2024-жылга карата өндүрүш календары жана жумуш убактысынын ченемдери бекитилди.
Ага ылайык, 8 майрам алдындагы жана 104 эс алуу күндөрү болот. Бул майрамдардын эс алуу күндөрүнө дал келишине байланыштуу кошумча 4 күндү эсепке алганда: 8-январь, 8-апрель, 6-май жана 2-сентябрь.
Орозо жана Курман айтты кошпогондо 12 майрам күнү белгиленди.
Алар:
1-январь — Жаңы жыл;
23-февраль — Ата мекенди коргоо күнү
8-март — Аялдардын эл аралык күнү;
21-март — Нооруз майрамы;
7-апрель — Апрель улуттук төңкөрүш күнү;
1-май — Эмгек күнү;
5-май — Конституция кабыл алынган күн;
9-май — Жеңиш күнү;
31-август — Эгемендүүлүк күнү;
7-8-ноябрь — Тарых жана урпактарды эскерүү күнү;
Айга карата аныкталган Орозо жана Курман айт күндөрү;
7-январь — Рождество.
Дем алыш жана майрам күндөрү дал келген учурда эс алуу күн майрамдан кийинки жумуш күнүнө жылдырылат.
Кызматкерлердин дем алыш жана жумуш эмес майрам күндөрүн туура пайдаланышы үчүн министрлер кабинети дем алыш күндөрүн башка күндөргө которууга укуктуу.
Майрам алдындагы кыскартылган күндөр 22-февраль, 7-март, 20-март, 30-Апрель, 8-май, 30-август, 6-ноябрь жана 31-декабрь болуп саналат.
2019-жылдан 2023-жылга чейин Кыргызстанда жаңы жылга жана май майрамдарына карата узак дем алыш күндөрү белгиленген.
