Кара-Балтада каза болгон алты жашар кыздын ата-энеси социалдык тармакта туура эмес маалымат таркап жаткандыгына нааразы. Бул тууралуу 24.kg агенттигине Жайыл районунун акими Төрөгелди Түркбаев билдирди.
Анын айтымында, акимиаттын кызматкерлери үй-бүлөнүн жашоосу менен таанышып чыкты.
«Кыз айына жетпей төрөлгөн экен. Көп ооруп жүрүптүр. Ата-энеси Россия болчу. Кызы ооруганын угушу менен 15-январь күнү учуп келишкен. Үйдөгүлөр грипп болуп оорушкан, бирок, дарыгерге кайрылган эмес. Үй-бүлөнүн жашоосунда кем-каржы жок, керектүү нерселердин баары бар", - дейт аким.
Белгилей кетсек, Кара-Балта шаарында алты жаштагы кыз 14-январь күнү ооруканага келип түшкөн. Саламаттыкты сактоо министрлигинин Чүй облусу боюнча координатору Бактыгүл Мамытованын билдирүүсүндө, кыз оор абалда ооруканага жеткирилген. Ага бронхопневмония деген диогназ коюлган.
Медиктердин айтымында, кыз алсыздап, тамактануу режими дагы бузулган. Ал жандандыруу бөлүмүндө көз жумду.
