Түркияда 40 жаштагы кыргызстандык аялдын сөөгү токойдон табылды. Бул тууралуу Кыргызстандын Стамбулдагы башкы консулдугу билдирет.
Маалыматта кыргыз аялынын денесинен зомбулуктук белгилери аныкталганы айтылат.
«20-июнь түнү Гиресун провинциясынын токоюнан аялдын жансыз денеси табылып, ал 1982-жылы туулган Кыргыз Республикасынын жараны К.Н. болуп аныкталды. Учурда укук коргоо органдары тарабынан ыкчам-иликтөө иш-чаралары жүргүзүлүп, адам өлтүрүүгө шектелген түрк жарандары М.А. жана Х.Ч. кармалды», — дейт дипөкүлчүлүк.
Түрк маалымат каражаттарынын маалыматында, М.А. аттуу түрк жараны кыргыз аялынын жарандык никедеги күйөөсү. Ал кызганычтын негизинде аялын өлтүргөнүн, экөөнүн ортосунда баласы бар экенин айткан.
