19:41
USD 89.51
EUR 96.93
RUB 0.97

Мыктыбек Арстанбеков жаңы партия түзөт

Мыктыбек Арстанбеков жаңы партия түзөт. Бул тууралуу ал өзүнүн социалдык тармактагы баракчасында билдирди.

Президенттикке талапкер шайлоонун жыйынтыгы менен макул. Анын айтымында, Кыргызстандын тарыхында шайлоолор биринчи жолу мыйзамдуу жана ачык-айкын өттү.

«Үгүт учурунда биз 120 миң сом коротуп, төртүнчү орунга жеттик. Биз элге үнүңдү жеткирүү үчүн көп акча коротуунун зарылдыгы жоктугун далилдедик», — дейт ал.

Мыктыбек Арстанбеков чукул арада жаңы саясый партия түзмөкчү.

«Январдын аягына чейин курултай өткөрүп, платформа, уставды иштеп чыгып, элге сунуштайбыз», — деди ал.

Белгилей кетсек, президенттик шайлоонун алдын-ала жыйынтыгы боюнча Мыктыбек Арстанбеков төртүнчү орунда турат. 

Эң көп окулган жаңылыктар