03:38
USD 84.77
EUR 103.24
RUB 1.14

УКМК президенттин Жогорку Кеңештеги өкүлү Курманбек Дыйканбаевди кармады

Президенттин Жогорку Кеңештеги өкүлү кызматтык абалын кыянаттык менен пайдаланууга шектелип кармалды. Бул тууралуу Улуттук коопсуздук мамлекеттик комитетинен билдиришти.

«Тергөө аныктагандай 2020-жылдын октябрь айында шайлоо өнөктүгү жүрүп жаткан мезгилде К.Д. саясий партиялардын биринин кызыкчылыгында иш алып барып, стратегиялык мааниси бар мамлекеттик ишкананын биринин жетекчисин кызматтан алуу менен коркутуп, ага 7 млн сом берүүсүнө мажбур кылган. Мыйзамсыз алынган акчаны К.Д. шайлоо өнөктүгү учурунда пайдаланган», — деп билдирет УКМК.

Бүгүн, 24-ноябрь күнү президенттин Жогорку Кеңештеги өкүлү кармалып, УКМКнын убактылуу кармоочу жайына камакка алынган.

Эскерте кетсек, президенттин Жогорку Кеңештеги өкүлү кызматын Курманбек Дыйканбаев ээлеп келет.

Эң көп окулган жаңылыктар