Транспорт министрлигинин борбордук аппаратынын башкармалыгынын жана бөлүмдөрүнүн башчылары дары-дармек сатып алуу үчүн үч күндүк эмгек акыларын темир жол ооруканасына которушат. Бул тууралуу транспорт жана жолдор министри Жанат Бейшенов брифингде билдирди.
Анын айтымында, каражат темир жол ооруканасынын жандандыруу бөлүмүнө жумшалат.
«Ооруканага «Кыргыз Темир Жолу» мамлекеттик ишканасынын эсебинен миңдеген жеке коргонуу шаймандар сатылып алынды. Ошондой эле, Бишкектеги коронавирус учурунда иштеген кызматкерлерге компенсациялык кошумча акыларды уюштуруп берүү үчүн ооруканага ай сайын 160 миң сом өлчөмүндө демөөрчүлүк жардам көрсөтүлдү», — дейт Жанат Бейшенов.
