03:00
USD 76.84
EUR 90.50
RUB 1.04

Казак жараны өлкөдөн вируска каршы дары-дармектерди алып чыгууга аракет кылган

Кыргызстандын аймагынан мыйзамсыз дары-дармектерди экспорттоого аракет кылган казак жараны кармалды. Бул тууралуу 24.kg агенттигине Экономикалык кылмыштуулукка каршы күрөшүү мамлекеттик кызматынан билдиришти.

Маалыматка ылайык, «Чалдовар-автожол» өткөрүү пунктунда кармалган «Мерседес-Бенц Спринтер» үлгүсүндөгү унаа Казакстандын жаранынын көзөмөлүндө болгон. Текшерүү маалында, унаанын жүк салуучу бөлүгүнөн алма салынган кутучалардын алдынан вируска каршы дары-дармектер салынган кутучалар табылган. Жалпысынан тиешелүү коштоочу документтери жок 520 кап эуфиллин жана 460 кап левомак алып чыгып кетүүгө аракет кылышкан.

«Жогоруда көрсөтүлгөн товарларга тиешелүү зарыл болгон процедуралар көрүлүп, унаа атайын унаа токтотуучу жайга токтотулду. Аталган факт Кылмыштардын жана жоруктардын бирдиктүү реестрине катталды, сотко чейинки өндүрүш жүрүп жатат», — деп берилет маалыматтта.