Белгилүү ырчы Асел Кадырбекованын абалы өзгөрүүсүз — оор. Бул тууралуу анын жолдошу Нурлан Насип билдирди.
Ал жубайынын саламаттыгы боюнча такталбаган маалыматтарды таркатуудан этият болууга чакырды.
«Абалы оор бойдон. Пандемияга байланыштуу ооруканага келүүнүн кажети жок», — дейт ал.
Белгилей кетсек, Асел Кадырбекова өткөн жумада жол кырсыгына кабылып, оор абалда ооруканага түшкөн. Бишкек шаарындагы Травматология жана ортопедия илим изилдөө борборунун жетекчиси Сабырбек Жумабековдун маалыматында, моюн омурткасы, акыреги сынып, башынан жаракат алган. Асел Кадырбекова 3 күндөн бери комада жатат.
