13:53
USD 76.84
EUR 90.50
RUB 1.04

Өзбекстан Кыргызстандагы элчисин алмаштырды

Өзбекстан Кыргызстандагы элчисин дайындады. Бул тууралуу Өзбекстандын маалымат каражаттары жазып чыкты.

Буга чейин Өзбекстандын Кыргызстандагы элчиси болуп Комил Рашидов иштеген. Ал элчилик кызматты 8 жыл аркалап, 2019-жылдын күз айларында өкмөт башчынын кеңешчиси болуп дайындалганына байланыштуу жумуштан кеткен.

Ал эми жаңы дайындалган өкүл Хуршид Мирзахидов 30-майда Бишкекке учуп келди.

Хуршид Мирзахидов элчилик кызматка чейин Өзбекстандын маалымат технологиясы жана коммуникацияны өнүктүрүү министри, Улуттук телерадиокорпорациясынын жетекчиси, Транспорт министрлигинин алдындагы автоунаа жолдору комитетинде жетекчинин орун басары болуп эмгектенген.