Москвада белгисиз жоголгон кыргызстандыктын сөөгү табылды. Ал жол кырсыгында каза болгон. Бул тууралуу ИИМ билдирди.
Маалыматка караганда, буга чейин ИИМдин Орусиядагы өкүлчүлүгүнө Таш-Көмүр шаарынын тургуну кайрылып, белгисиз жоголгон тууганын издешүүгө жардам сураган. Ал 18-октябрда ишинен чыккан бойдон дайынсыз жоголгон. Анын 2012-жылдан бери коомдук тамактануучу жайда иштеп келгени маалым болду.
Билдирүүгө ылайык, 19-октябрда жол кырсыгы катталып, жөө жүргүнчү жаракат алган. Аны шаардагы клиникалык ооруканага алып барышкан, бирок жабырлануучу каза болуп калган. Белгисиз жаранды өлүкканага өткөрүп коюшканы анык болду.
29-октябрда бир тууганы белгисиз кишинин өздүгүн тактап, тааныды. Учурда туугандары жүк 200дү кичи мекенине жөнөтүү үчүн маселени чечишүүдө.
