Мурунку өкмөт башчы Сапар Исаков өзүн начар сезгендиктен, Биринчи Май райондук соту Тарых музейи боюнча соттук ишти кийинкиге жылдырды.
Маалыматка ылайык, Сапар Исаковдун көңүлү айнып, башы тегеренип жатат. Мындан улам соттук ишти бир жумага жылдырып туруу өтүнүчү менен кайрылган. Судья Марат Сыдыков сотту 24-сентябрга жылдырды.
Эске салсак, Сапар Исаков 16-августта ооруканага «омуртка артериясынын синдрому» деген диагноз менен жатып дарыланган.
