Ала-Тоо аянтында майрамдык иш-чараларга даярдык көрүү максатында, айрым көчөлөр унаа кыймылы үчүн жабылат. Бул тууралуу мэриядан билдиришти.
28-августтан 30-августка чейин саат 9дан 11ге чейин даярдык үчүн Чүй проспектисинин бир бөлүгү —Эркиндик бульварынан Панфилов көчөсүнө чейинки аралык жабылат.
31-августта саат 8ден 12ге чейин жана 19:00дөн 23:00гө чейин төмөндөгү көчөлөрдө унаа кыймылына чектөө киргизилет:
- Чүй проспектиси — Тыныстановдон Тоголок Молдо көчөсүнө чейин;
- Киев көчөсү— Эркиндик бульварынан Логвиненкого чейин;
- Фрунзе көчөсү — Панфилов көчөсүнөн Раззаков көчөсүнө чейин.