Бүгүн түндө Өзбекстандын Улуттук телерадиоберүү компаниясында өрт чыккан. Бул тууралуу РИА Новости жазып чыкты.
Маалыматка ылайык, 21-августта Ташкент убактысы менен саат 01:54тө өрт тууралуу маалымат келип түшкөн. Улуттук телерадиоберүү компаниясынын аймагы, ашкана жана башка бөлмөлөр болуп жалпы 400 чарчы метр аянт күйгөн.
Өрт өчүрүүчүлөр саат 02:00дө барган. 45 мүнөттөн кийин өрт чектөөгө алынып, 03:36да өчүрүлгөн.
Каза болгондор же жабыркагандар катталган жок.
