Аксы РИИБнын кызматкери адам сабоого шектелип жатат. Бул тууралуу 24.kg агенттигине Жалал-Абад ОИИББдан билдиришти.
Маалыматка караганда, 3-августта Аксы аймактык ооруканасына сабалган жаран келип түшкөн. Жерине ыкчам топ барып, бейтаптын Кербен шаарында сабалганын аныкташкан.
«Жабырлануучунун бети-башы көк ала болгон. Ал Кербен шаарындагы май куючу жайлардын жанынан Нуку деген киши достору менен сабаганын айткан. Билдирүүсүндө, Нуку милиция болуп иштейт. Аталган окуяга шектүү делип Нурболот Курбанов аттуу тартип сакчы кармалды. Учурда кызматтык иликтөө жүрүп жатат», -деп билдиришти ОИИББдан.
