Бишкекте ымыркайлардын жарышы өтөт. Бул тууралуу 24.kg агенттигине уюштуруучулар билдиришти.
Маалыматка ылайык, жарышка 7-10 айлык наристелер катыша алат.
«Балдар үч мүнөттүн ичинде 10 метрлик аралыкты жөрмөлөп өтүшү керек. Мында ата-энелерге наристелерин алаксытып, чакырып турууга уруксат берилет», -дешет уюштуруучулар.
Иш-чара 18-майда саат 16.00дө Bishkek Park соода борборунда өтөт. Жеңүүчүлөргө ар кандай номинациялар боюнча сыйлыктар тапшырылат.
