Ош шаарында мас абалда унаа башкарган айдоочу жол кырсыгында каза болду. Бул тууралуу Жол кыймылынын коопсуздугун камсыздоо башкармалыгы билдирди.
Маалыматка караганда, 9-мартта Рыспай Абдыкадыров менен Абдыкадыр Осмонов көчөлөрүнүн кесилишинде Ош облусунун тургуну «Жигули» унаасын мас абалда башкарып бара жатып, жолдун четиндеги «Хонда Степвагон» үлгүсүндөгү унааны сүзгөн. Андан өтүп барып бадалдардын арасындагы электр мамысын сүзүп токтогон. Кесепетинен «Жигули» унаасындагы айдоочу каза болду.
