Ачкачылык жарыялаган оппозиция өкүлү Кубанычбек Кадыров кечээтен баштап тамак иче баштады. Бул тууралуу 24.kg агенттигине ЖАМКтан билдиришти.
Маалыматка караганда, соттолуучудан ачкачылык акциясын токтоткондугу тууралуу расмий билдирүү келип түшө элек.
Кубанычбек Кадыров жана Бектур Асанов аларды жатак абакка которууну талап кылышууда. Бирок, атайын комиссия бул маселени карап чыгуу үчүн Жогорку соттун чечими керек. Соттолуучулардын жактоочулары 2 айдан бери өкүмдү колго ала албай келишет. Мындан улам алар ачкачылык жарыялашкан болчу.
