19:19
USD 89.47
EUR 96.56
RUB 0.97

Баңги зат өстүрүүгө соттолгон жаран абакта оозун тигип, ачкачылык жарыялады

Соттун чечимине макул эместигин айткан № 1 тергөө абагында отурган киши оозун тигип алган. Бул тууралуу Юстиция министрлигине караштуу Жазаларды аткаруу мамлекеттик кызматы (ЖАМК) билдирди.

Маалыматка ылайык, ЖАМКнын № 1 тергөө абагында отурган соттолуучу Б.И.В. Чүй облусунун Ысык-Ата райондук соту тарабынан Кылмыш-жаза кодексинин 273-268-беренелери менен 5 жылга эркинен ажыратылып, 300 миң сом айып пулун төлөөгө милдеттендирилген.

«Ал 2021-жылдын 11-мартында соттун чечимине макул эместигин айтып, ачкачылык жарыялаганын билдирип, Чүй облустук сотуна аппеляциялык арыз жазган», — деп айтылат маалыматта.

Жогорудагы факты боюнча тиешелүү иш-чаралар жүргүзүлүүдө.

Белгилей кетсек, буга чейин айрым интернет сайттар Бишкектеги № 1 тергөө абагында отургандар жаңы жетекчи Марс Жусупбековдун келишине нааразы болуп ооздорун тигип алышты деп жазып чыгышкан. «Бул маалымат чындыкка дал келбейт», — деп кошумчалашты ЖАМКтын басма сөз кызматынан.

Эң көп окулган жаңылыктар