17:17
USD 69.11
EUR 81.33
RUB 1.04

Ташкенттеги Бодомзор йули атындагы көчөгө Чыңгыз Айтматовдун ысымы ыйгарылат

Ташкенттеги Юнусабад районундагы Бодомзор йули атындагы көчөгө Чыңгыз Айтматовдун ысымын ыйгарууну сунуштап жатышат. Бул тууралуу нормативдик-укуктук актыларды талкуулоо боюнча порталы жазып чыкты.

Буга чейин Өзбекстандын президенти Шавкат Мирзиеев Ташкенттеги көчөлөрдүн бирине залкар жазуучунун ысымын берүү тууралуу токтомго кол койгон.

Чыңгыз Айтматовдун 90 жылдыгын белгилөөнүн алкагында «Чыңгыз Айтматов жана Өзбекстан» аттуу эскерме китеп басып чыгаруу пландалууда. Мындан башка жазуучунун чыгармаларынын негизинде жаңы спектакль коюу, даректүү жана көркөм тасма тартуу иштери жүргүзүлөт.

Ташкент облусунун Паркент районундагы № 33 мектепте жазуучунун бюсту орнотулат.

Эң көп окулган жаңылыктар