Залкар жазуучу Чыңгыз Айтматовдун 90 жылдыгына карата Бишкекте 23-25-май күндөрү Татарстандын тасма күндөрү өтөт. Бул тууралуу Мамлекеттик кино департаментинен билдиришти.
Программага киргизилген 6 жаңы тасма Татарстандан келген делегациясынын курамынын катышуусунда көрсөтүлөт. Иш чараны «Мулла» тасмасы ачат. Анда башкы ролду актер Марат Башаров ойногон.
Көрсөтүүнүн программасы: «Октябрь» кинотеатрында (23-май, 17:30) «Мулла» толук метраждуу көркөм тасмасы (2018-жыл) көрсөтүлөт. Анын режиссеру - Рамил Фазлиев.
Чыңгыз Айтматов айтындагы кино үйүндө (24-май, 10:00) режиссер Ильшат Рахимбайдын кыска метраждуу «Гастарбайтер» (2014-жыл), «Ишенбейм!» (2016-жыл), «Элестет» (2017-жыл) коюлат.
«Байгал» толук метраждуу көркөм тасмасы (2018-жыл) да көрсөтүлөт. 25-майда (10.00) «Курбан-роман: история с жертвой» толук метраждуу көркөм тасмасы болот.
