Ушул жылдын январь айынан апрелге чейин Кыргызстанга акча которуунун агымы 550 миллион долларды түздү. Бул тууралуу Улуттук банктын төрагасы Толкунбек Абдыгулов билдирди.
Анын айтымында, быйылкы көрсөткүч 2017-жылдын 4 айына салыштырмалуу 11 пайызга өскөн. Которулган акча каражатынын 90 пайызы Орусиядагы мигранттарга тиешелүү.
Эске салсак, былтыркы жылы эмгек мигранттары Кыргызстанга 2 миллиарддан ашуун каражат которушкан.
