07:18
USD 69.11
EUR 81.33
RUB 1.04

АКШдан саясый башпаанек сураган орусиялыктардын саны кескин өстү

2017-жылы АКШдан 2664 орусиялык башпаанек сурап, алардын саны акыркы 24 жылдагы рекорддук деңгээлге чыккан. Бул көрсөткүч 2016-жылга салыштырмалуу 39% көп. Бул боюнча маалыматты «Настоящее Время» телеканалы АКШнын Ички коопсуздук министрлигине шилтеп жарыялады.

Буга чейинки рекорд 1994-жылы катталган. Анда 2127 орусиялык арыз менен кайрылган.

АКШдан саясий башпаанек сурап кайрылган орусиялыктардын саны беш жылдан бери катары менен өсүүдө. Алгачкы өсүш 2012-жылы, Владимир Путин үчүнчү жолу президент болуп шайлангандан кийин башталган. 2016-жылы мындай өтүнүч менен 1912 адам кайралган. Бул андан мурунку жылга салыштырмалуу 31% көп болгон.

Бирок Путиндин басма сөз катчысы Дмитрий Песков Кремль бул сандарга «ишенбей турганын» билдирди:

«Азыр жалган маалыматтар абдан көп, бардыгына этияттык менен кароо керек», — деди ал.

Эскерте кетсек, АКШдан саясый башпаанек сураган кыргызстандыктардын ичинен КСДПнын мурдакы мүчөсү Ренат Самудинов менен журналист Элнура Молдокадырова белгилүү. Бирок, айрым маалыматтарга караганда алардын өтүнүчү дагы эле канааттандырала элек.

Эң көп окулган жаңылыктар