Сентябрдан тартып Бишкекте газ менен жүргөн 150 автобус кызмат көрсөтө баштайт. Бул тууралуу калаа башчысы Албек Ибраимов Мыкты эл аралык практик аталышындагы форумда билдирди.
Анын айтымында, 52 троллейбус июндан тартып каттамга коё берилет.
Мэр ошондой эле карта аркылуу электрондук төлөм киргизиле турганын кошумчалады.
«Бул билет алуунун жөнөкөйлөштүрүлгөн, заманбап ыкмасы. Мындай терминалдар аялдамаларга орнотулат. Жаңы келген автобустар жана троллейбустар төлөмдү электрондук карта менен кабыл ала баштайт», — деди ал.
