13:22
USD 69.83
EUR 79.06
RUB 1.05

Оштун жаш музыканттары «ART-PREMIUM» Эл аралык сынагында жеңүүчү аталды

Оштун жаш музыканттары «ART-PREMIUM» Эл аралык сынагында жеңүүчү аталды. Бул тууралуу каала мэриясы билдирет.

Бүгүн Ош шаарынын мэри Айтмамат Кадырбаев Казакстандын Астана шаарында өткөн «ART-PREMIUM» Эл аралык сынагынын жеңүүчүлөрүн, мугалимдерин жана ата-энелерин кабыл алды.

Аталган конкурс Астана шаарында 4-7-январь күндөрү өтүп, ага Ниязалы атындагы Ош мамлекеттик музыкалык окуу жайынын кыргыз эл аспаптар бөлүмүнүн 4-курсунун студенти Шохжахон Маманазаров менен орус эл аспаптар бөлүмүнүн 2-курсунун студенти Шайырбек Абдурашит уулу катышып келген.

Жыйынтыгында студенттер конкурстун үч сыйлыгын багындырып келишкен. Студенттердин бири инструменталдык жанрда домрада ойноп 1-орунду, бири аккордеондо 1-орунду багындырышса, домра жана аккордеондо дует аткарышып 1-орунду ээлешкен.

Эң көп окулган жаңылыктар