Жаңы шайланган президент Сооронбай Жээнбековдун инаугурациясы 24-ноябрда өтөт. Бул тууралуу президенттик аппараттан билдиришти.
Инаугурация «Ала-Арча» мамлекеттик резиденциясында Жогорку Кеңештин депутаттарынын, өкмөт мүчөлөрүнүн, сот бийлигинин өкүлдөрүнүн, Кыргызстандагы элчилердин катышуусунда өтөт. Чет өлкөлүк президенттерден ким келери азырынча белгисиз.
Эскерте кетсек, Сооронбай Жээнбеков 15-октябрда өткөн шайлоону 54,22 пайыз добуш менен утуп чыкты.
